"ჩვენ არანაირი პოლიტიკა ავტოფარეხებთან დაკავშირებით არ გვაქვს, არც დაკანონების და არც დაშლის",- განუცხადა რუსთავის მერმა ნინო ლაცაბიძემ საინფორმაციო სააგენტო "ინფო რუსთავს".

ლაცაბიძეს ვკითხეთ, გააგრძელებს თუ არა მერია მოსახლეობასთან თანამშრომლობით, ნების არსებობის შემთხვევაში, ავტოფარეხებისა და კორპუსის მიმდებარედ შემოღობილი ტერიტორიის ადგილზე რეკრეაციული სივრცეებიის მოწყობას.

"ჩვენ როდესაც პროექტს ვახორციელებთ გვაქვს მოსახლეობასთან კომუნიკაცია და მათი ნებიდან გამომდინარე ჩვენ ვცდილობთ, რომ ის არეალებიც ავითვისოთ, რომლებიც კონკრეტულ მოსახლეს მითვისებული ჰქონდა. ჩვენ არანაირი პოლიტიკა ავტოფარეხებთან დაკავშირებით არ გვაქვს, არც დაკანონების და არც დაშლის. ერთადერთი სურვილი გვაქვს, რომ ეზოები იყოს მოწესრიგებული და ჩვენ შევძლოთ იქ შესაბამისი ინფრასტრუქტურის მოწყობა, რომ ბავშვებს ჰქონდეთ უსაფრთხო გარემო. თუ ამაზე მოსახლეობა თვითონ დათანხმდება, ერთიანობა და შეთანხმება ენქბათ, ჩვენ ასეთი მაგალითები გვაქვს, სადაც მოსახლეობამ თავიანთი ნებით ავტოფარეხები მოშალა და ჩვენ იქ გავაკეთეთ რეკრეაციული სივრცე",- განაცხადა ლაცაბიძემ.