რუსთავის მერმა, ირაკლი ტაბაღუამ, საკრებულოს თავმჯდომარესთან, ლევან ონიანთან და საკრებულოს მაჟორიტარ დეპუტატთან, გურამ კვარაცხელიასთან ერთად, რუსთავში მდებარე ხორცპროდუქტების კომპანია „გემრიელი“- ს საწარმო დაათვალიერა და პროდუქციის დამზადების პროცესს გაეცნო. სტუმრებს კომპანიის ერთ-ერთმა მფლობელმა, ირაკლი წერეთელმა უმასპინძლა და კომპანიის მუშაობისა და სამომავლო გეგმების შესახებ ესაუბრა. ირაკლი წერეთელმა მიიღო ქალაქის მერის შეთავაზება, ჩაერთოს რუსთავის 70 წლის იუბილისადმი მიძღვნილ ღონისძიებებში და თავის მხრივ, გამოთქვა სურვილი, „გემრიელი“-ის პროდუქციაზე განთავსდეს საიუბილეო ლოგო.