2024-07-27 18:49:47
რუსთავში, შევჩენკოსა და 9 ძმა ხერხეულიძის ქუჩაზე მცხოვრებლები დახმარებას ითხოვენ.
როგორც "ინფო რუსთავს" ქუჩაზე არსებული ერთ-ერთი ობიექტის მფლობელმა განუცხადა, დაზიანებულია საკანალიზაციო სისტემა, რის გამოც ხშირად იბიდნება და მასა მიწის ზედაპირზე ამოდის.
"კანალიზაციაა ამოხეთქილი. ახალი გაკეთებულია რეაბილიტაცია, ახალი დაგებულია ასფალტი. წყლის კომპანია ამბობს, რომ ძველი გაყვანილობაა, რომელიც არ შეცვლილა და იბიდნება მალ-მალე. დღეს დილიდან ზარები არის კომპანიაში შესული და ამბობენ, რომ გადაცემული, თუმცა არავინ მოსულა",- განგვიცხადა ერთ-ერთი ობიექტის მეპატრონემ.
საინფორმაციო სააგენტო "ინფო რუსთავი" დაუკავშირდა კომპანია ჯივიპის, სადაც გაგვიცხადეს, რომ დაზიანებაა და ადგილზე მათი ჯგუფი მივა.
