რუსთავის მერმა, ირაკლი ტაბაღუამ, კომპანია „რუსთავის წყლის“ გენერალური დირექტორის პირველ მოადგილესთან, თემურ ჯანელიძესთან, ერთად გაგარინის ქუჩაზე მიმდინარე სარეაბილიტაციო სამუშაოები დაათვალიერა. კაპიტალური სამუშაოების ჩატარების შედეგად, გაგარინის ქუჩაზე წყალმომარაგების მაგისტრალური ქსელი სრულიად განახლდება და რეაბილიტაციის დასრულების შემდეგ, ქალაქ რუსთავის მარცხენა სანაპიროს წყალმომარაგება საგრძნობლად გაუუმჯობესდება.

სარეაბილიტაციო სამუშაოები 2018 წლის დასაწყისში დასრულდება, რის შემდეგაც ქუჩის კეთილმოწყობის სამუშაოები დაიწყება.

კომპანია „რუსთავის  წყალმა“ 12 კილომეტრის სიგრძის მონაკვეთზე წყალმომარაგების სისტემა განაახლა, ხოლო 7 კილომეტრზე სრულიად ახალი სისტემა მოეწყო. პროექტში 5,5 მილიონი ლარის ინვესტიცია ჩაიდო. აღსანიშნავია, რომ სამუშაოების წარმატებით განხორციელებისთვის, „რუსთავის წყალმა“ ახალი სპეციალური ტექნიკაც შეიძინა.

ქალქის ურბანულ განვითარებაში კომპანია „რუსთავის წყალსა“ და მერიის ერთობლივ თანამშრომლობაზე  ყურადრება გაამახვილა ირაკლი ტაბაღუამ და განაცხადა,  რომ მნიშვნელოვანია ახალი სპეციალური ტექნიკის შეძენა პროექტის წარმატებით განხორციელებისთვის. კომპანია „რუსთავის წყლის“ გენერალური დირექტორის პირველმა მოადგილემ კი მიმდინარე პროექტებზე ისაუბრა და აღნიშნა, რომ გაგარინის ქუჩაზე იგეგმება წყლის სისტემების 800 მეტრიანი მოანკვეთის სრულიად განახლება. ნახეთ ვიდეო.