ბაგა-ბაღების გაერთიანების რუსთავის ფილიალის ყველა თანამშრომელი საახალწლო პრემიას მიიღებს. „ინფო რუსთავს“ ამის შესახებ, გაერთიანების ხელმძღვანელმა ეკა ხუციშვილმა განუცხადა. მისი განმარტებით, გაწეული ეკონომიების ხარჯზე თანხა, 116 574 ლარის ოდენობით, ყველა თანამშრომელზე თანაბრად გადანაწილდება.

სულ გაწეული ეკონომიების ხარჯზე ბაგა-ბაღების გაერთიანებაში 134 014 ლარი დაიზოგა. პრემიებისთვის გამოყოფილი თანხის გარდა, ფული ბაღებში ინფრასტრუქტურის მოწესრიგებას მოხმარდება.