მცირეწლოვან ბავშვებში ფილტვების ანთების შემთხვევებმა იმატა. რუსთავის ინფექციურ საავადმყოფოში აღნიშნული დიაგნოზით 4 პაციენტი მკურნალობს. ექიმის განცხადებით, პაციენტების მდგომარეობა მძიმეა თუმცა მკურნალობას ექვემდებარება. გარდა ამისა მცირედით იმატა ვირუსის სიმპტომებით პაციენტების მიმართვიანობამ, საავადმყოფოში მკურნალობას 12 მცირეწლოვანი გადის.

რუსთავის ინფექციურ საავადმყოფოშიაცხადებენ რომ ვურუსული ინფექციების ახალ ტალღას იანვრის შუა რიცხვებიდან ელოდებიან. მედიკოსები მოსახლეობას სიფრთხილისკენ მოუწოდებენ. მათი ინფორმაციით, აუცილებელია ჰიგიენური ნორმების დაცვა, ხელების ხშირად დაბანა, ოთახების ხშირი განიავება, საზოგადოებრივი თავშეყრის ადგილებში სამედიცინო ნიღბის ტარება. მაღალი ტემპერატურის შემთხვევაში მედიკოსები მოსახლეობას დაუყოვნებლივ ექიმთან ვიზიტისკენ მოუწოდებენ.