2017-12-18 12:12:37
რუსთავის მაჟორიტარი დეპუტატი პაატა მხეიძე ადასტურებს იმ ფაქტს, რომ ახალ ფრაქციაში გადადის. მხეიძე მუშაობას იმ ფრაქციაში გააგრძელებს, რომელსაც გოჩა ენუქძე უხელმძღვანელებს.
რუსთავის მაჟორიტარი დეპუტატი, „ინფო რუსთავთან“ საუბარში აცხადებს რომ გადაწყვეტილებას პოლიტიკურ დაპირისპირებასთან არანაირი კავშირი არ აქვს.
„ეს არ არის ტრაგედია და არც ის რასაც ამ თემას მიაწერენ, რომ დაპირისპირებაა გუნდში. ეს არის ჩემი სურვილი რომ გადავიდე იმ ფრაქციაში სადაც უფრო კომფორტულად ვიგრძნობ თავს“- პაატა მხეიძე.
„ინფო რუსთავის“ ინფორმაციით აღნიშნულ ფრაქციაში 12 წევრი იქნება.
„ინფო რუსთავი“ ასევე ესაუბრა რუსთავის მაჟორიტარ დეპუტატ გიორგი ბეგაძეს, მას ფრაქცია ქართული ოცნება“ არ დაუტოვებია.
