პროექტის "სპორტი, სკოლა, პოლიცია" ფარგლებში რუსთაველ ფეხბურთელებს სპორტული ტანსაცმელი გადაეცათ. რუსთავის მერმა, ირაკლი ტაბაღუამ სპორტული აღჭურვილობა 120 სპორტსმენს გადასცა. საჩუქრები ქალაქის ააიპ "სასპორტო სკოლების განვითარების ცენტრმა" შეიძინა. პროექტი "სპორტი, სკოლა, პოლიცია" რამდენიმე წელია მიმდინარეობს საქართველოს სხვადასხვა ქალაქში და მასში აქტიურადაა ჩართული რუსთავიც. ანალოგიური აქციები მომავალშიც იგეგმება. აღნიშნულ პროექტში აქტიურად არიან ჩართულები სოციალურად დაუცველი, დევნილი და მზრუნველობას მოკლებული ბავშვები.