რუსთავში სასტუმროს მიმდებარე ტერიტორიაზე საპატრულო პოლიციამ მიკროავტობუსის მძღოლი დააჯარიმა. დაჯარიმების მიზეზი მიკროავტობუსის ტექნიკური დათვალიერების აღმნიშვნელი დოკუმენტის ვადაგასულობა გახდა. გადაჰყავთ თუ არა ტექნიკურად გამართული მიკროავტობუსებით მგზავრები კომპანია „ინტერტრანის“ მძღოლებს, ამ კითხვით ჩვენ კომპანიის პრესამსახურის ხელმძღვანელს სოფო ცერცვაძეს მივმართეთ, მან ჩვენთან საუბარში განაცხადა - „მგზავრთა უსაფრთხოდ გადაადგილება წარმოადგენს კომპანიის პრიორიტეტს. სწორედ ამიტომ  კომპანია მაქსიმალურად ცდილობს აკონტროლოს ტექნიკური დათვალიერების პროცესები. ეს აღნიშნული წარმოადგენს მძღოლის პრეროგატივას, რომელიც ვალდებულია ყოველ 6 თვეში ერთხელ მიკროავტობუსი შეამოწმოს, ხოლო შემდგომ უკვე გამართული მიკროავტობუსით მოემსახუროს მგზავრებს, რათა თითოეული გადაყვანილი მგზავრის უსაფრთხოება იყოს გარანტირებული, რაც შეეხება აღნიშნულ ფაქტს, ამ კონკრეტულ მიკროავტობუსს არ ჰქონდა ტექნიკური დათვალიერება გავლილი. მისთვის ეს ბოლო რეისი იყო რის შემდეგაც მძღოლი აპირებდა გაეარა ტექნიკური დათვალიერება. ჩვენს ბაზაში მსგავსი პრობლემით სულ ორი ერთეული მიკროავტობუსია, მათ არ აქვთ გავლილი ტექნიკური დათვალიერება და ისინი ამ ეტაპზე მგზავრებს არ ემსახურებიან“ .