2017-12-12 14:37:47
საქართველოს კულტურისა და ძეგლთა დაცვის სამინისტროს მიერ გამართულ პროექტში "კინო სკოლაში" რუსთაველმა მოსწავლეებმა გაიმარჯვეს.
პროექტში საქართველოს ყველა რეგიონის 216 სკოლა მონაწილეობდა და 4 კონკურსი გამოცხადდა, კერძოდ, საუკეთესო ფილმი, საუკეთესო პოსტერი, საუკეთესო რეცენზია და საუკეთესო კინოკლუბის ოთახი.
საუკეთესო პოსტერის კონკურსში რუსთავის #25-ე სკოლის მოსწავლემ თემურ ხეთაგაშვილმა გაიმარჯვა. საუკეთესო კინოკლუბის ოთახად კი რუსთავის მე-13 სკოლის ოთახი დასახელდა.
დაჯილდოების ცერემონია კინოსტუდია "ქართულ ფილმში" გაიმართა.
ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძეც ესწრებოდა.
პროექტი „კინო სკოლაში" საქართველოს კულტურისა და ძეგლთა დაცვის, განათლებისა და მეცნიერების სამინისტროების მხარდაჭერითა და საქართველოს ეროვნული კინოცენტრის ორგანიზებით, ყოველწლიურად იმართება.
