რუსთავის მერი GWP-ის ხელმძღვანელებს შეხვდა

2017-12-11 13:24:07

რუსთავის მერიაში GWP-ის ხელმძღვანელობასა და ქალაქის თვითმმართველობის ხელმძღვანელ პირებს შორის შეხვედრა გაიმართა. შეხვედრაზე განხილულ იქნა საკითხები, რომლიც რუსთავში სასმელი წყლის მიწოდების გააუმჯობესებს ეხებოდა. მნიშვნელოვანი სიახლე, რომელიც დღეს გახდა ცნობილი არის ის რომ "რუსთავის წყალმა" უკვე შეიძინა ახალი, სპეციალური მანქანა რომლის მეშვეობითაც კომპანია საკანალიზაციო სისტემის მოწესრიგებას უფრო ეფექტურად და დროულად მოახერხებს.

კომპანია "რუსთავის წყალი"-ს გენერალური დირექტორის პირველმა მოადგილემ თემურ ჯანელიძემ შეხვედრის შემდგომ განაცხადა რომ - "საუბარი შეეხო ძირითადად დაგეგმილ 2018 წლის პროექტებს, კერძოდ 4,5- 5 მილიონიანი თანხის ინვესტიცია არის გამოყოფილი, რომელიც მოხმარდება მაგისტრალური ქსელების რეაბილიტაციას, ასევე შიდა ეზოებში ახალი ქსელების მონტაჟს, როგორც მარჯვენა ისე მარცხენა სანაპიროზე განახლდება სასმელი წყლის მილები. უფრო კონკრეტულად ამის შესახებ მოსახლეობა ორ კვირაში შეიტყობს, როდესაც ჩატარდება საერთო პრეზენტაცია. რაც შეეეხება საკანალიზაციო სისტემას ჩვენს მიერ შეძენილ იქნა ახალი კაპელოტოს ტიპის მანქანა რომელიც მოემსხურება რუსთავს."

რუსთავის მერმა ირაკლი ტაბაღუამ შეხვედრა დადებითად შეაფასა - "ძირითადი შეხვედრის მიზანი იყო ის მოვლა პატრონობა რომელიც "რუსთავ წყალს" აკისრია მოსახლეობის მიმართ. განვიხილეთ 2018 წლის პროექტები, კერძოდ ქალაქის 24 საათიანი წყლით მომარაგება. რაც შეეხება მილების განახლებას ეს შეეხება მშვიდობის ქუჩას. საყურადღებოა ასევე ურდულების პროგრამაც, რომელიც საშუალებას მოგვცემს დაზიანების შემთხვევაში გამოირთოს კონკრეტული უბნები და არა მთლიანი ქალაქი"

ავტორი: ნინა პარუნაშვილი