რუსთავის მერი ირაკლი ტაბაღუა საქველმოქმედო ორგანიზაცია ,,პირველი ნაბიჯი საქართველოს’’, არასამთავრობო სექტორის წარმომადგენლებსა და აუტიზმის მქონე ბავშვთა მშობლებს შეხვდა.

შეხვედრაზე  ირაკლი ტაბაღუამ რუსთავის მერიაში უკვე მოქმედი, აუტისტური სპექტრის აშლილობის მქონე ბავშვების რეაბილიტაციის პროგრამის შესახებ ისაუბრა და განაცხადა, რომ აღნიშნული პროგრამის განახლება იგეგმება. გარდა ამისა, მერის ინფორმაციით,  თვითმმართველობა აქტიურად იმუშავებს იმისთვის, რომ განსაკუთრებული საჭიროებების მქონე ბავშვებს მუნიციპალიტეტისგან ხელშეწყობა ჰქონდეთ.

გაცნობითი ხასიათის შეხვედრას მერის მოადგილე გოჩა ლორია და საკრებულოს მაჟორიტარი დეპუტატი გრიგოლ ვეფხვაძეც ესწრებოდნენ.