2017-12-09 14:24:52
„იმ პირებს, რომლებსაც მართვის მოწმობა აღებული აქვთ 2006 წლის 1 აპრილამდე, მათ მართვის მოწმობებს ვადა ეწურებათ 2018 წლის 1 იანვარს. შესაბამისად თუ არ მოხდება დოკუმენტის განახლება, ისინი ვერ შეძლებენ სატრანსპორტო საშუალებების მართვას". - აცხადებს შსს-ს მომსახურების სააგენტოს სარეგისტრაციო და საგამოცდო მომსახურების სამმართველოს უფროსი იმედა მაკასარაშვილი. კანონი ძალაში 2014 წლის პირველ მარტს შევიდა, აღნიშნულ პირიოდში დამტკიცდა კანონი საგზაო მოძრაობის შესახებ, რაც ძველი მართვის მოწმობების შეცვლას გულისხმობდა.
მართვის მოწმობის შეცვლა შესაძლებელია მომსახურების სააგენტოს ნებისმიერ ფილიალში. მოწმობის შესაცვლელად მოქალაქემ უნდა წარმოადგინოს:
ვადა გასული მართვის მოწმობის მქონე პირს არც თეორიული და არც პრაქტიკული გამოცდის ხელახლა ჩაბარება არ მოუწევს.
რაც შეეხებათ იმ პირებს ვისაც მოწმობა აღებული აქვთ 2006 წლის 1 აპრილის შემდეგ, დოკუმენტის შეცვლა არ მოუწევთ, რადგან მართვის მოწმობას ამ შემთხვევაში ვადა, 2028 წლის პირველ სექტემბრემდე ექნება.
