ქარელის მუნიციპალიტეტში, სოფელ რუისთან, ავტოსაგზაო შემთხვევა მსხვერპლით დასრულდა.

არსებული ინფორმაციით, მიკროავტობუსს სატვირთო შეეჯახა.

შემთხვევის შედეგად ადგილზე დაიღუპა მიკროავტობუსის მძღოლი და დაშავდა 4 მგზავრი.

მომხდარზე გამოძიება სისხლის სამართლის კოდექსის 276-მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც  ადამიანის სიცოცხლის მოსპობა გამოიწვია.