ერთიანი ნაციონალური მოძრაობის ფრაქცია, ქალაქის თვითმმართველობას მიმართავს. ფრაქციის წევრების  განცხადებით, ბიუჯეტს მხარს იმ შემთხვევაში დაუჭერენ თუ რამდენიმე საკითხი იქნება გათვალისწინებული.

კერძოდ :

• სოციალურად დაუცველ ოჯახებს გადაეცემათ 100 ლარიანი ვაუჩერი კომუნალური გადასახადების დასაფარად.
• იარსებებს სტუდნეტური ტარიფი და სტუდენტები, თბილისის მიმართულებით შეღავათიან ფასებში შეძლებენ მგზავრობას.
• საჯარო სკოლებს გადაეცემა 50 000 ლარი, რომელსაც სამეურვეო საბჭო საჭიროებიდან გამომდინარე განკარგავს.

ფრაქციის განცხადებით, ზემოთ ჩამოთვლილი მოთხოვნების გათვალისწიენების შემთხვევაში, ერთიანი ნაცუონალური მოძრაობის ფრაქცია ბიუჯეტს მხარს დაუჭერს.

ფრაქციის მიმართვასთან დაკავშირებით, განცხადება გააკეთა საკრებულოს საფინანსო-საბიუჯეტო კომისიის თავმჯდომარემ. გიგა ვეფხვაძის განცხადებით, სოციალურად დაუცველებსა და სტუდენტურ ტარიფზე გარკვეული მსჯელობა ქალაქის თვითმმართველობაში, ფრაქციის მოთხოვნამდეც მიმდინარეობდა.

ვეფხვაძის თქმით, სამივე საკითხი იქნება განხილული და შეძლებისდაგვარად გათვალისწინებული.