2017-12-03 22:23:37
ავტოსაგზაო შემთხვევა რუსთავის მერიასთან, ჭავჭავაძის ქუჩაზე დაახლოებით 21 საათზე მოხდა. "მერსედესის" მარკის ავტომობილის მძღოლმა საჭე ვერ დაიმორჩილა, ჯერ გაჩერებულ მანქანას დაეჯახა შემდეგ კი ხეს. თვითმხილველების თქმით "მერსედესი"-ს მარკის ავტომობილს გზა "ბე ემ ვე"-ს მარკის ავტომობილმა გადაუჭრა. შეჯახების შედეგად ავტომობილმა დეფორმაცია მიიღო, რის გამოც მანქანიდან მძღოლის გადმოყვანა გაჭირდა. ადგილზე გამოიძახეს სამაშველო ეკიპაჟი, შემთხვევის ადგილზე მობილიზებული იყო სასწრაფო სამედიცინო და საპატრულო პოლიციის ეკიპაჟები. ავარიის შედეგად 2 ადამიანი დაშავდა, მათი გადაყვანა ცენტრალურ საავადმყოფოში მოხერხდა. "ინფო რუსთავს" საავადმყოფოში განუცხადეს რომ დაშავებული მამაკაცების სიცოცხლეს საფრთხე არ ემუქრება. ნახეთ ვიდეო.
