რუსთავის მე-9, მე-17, მე-18, 21-ე და 22-ე სკოლებში შრომითი უნარების განვითარების გაკვეთილები ჩატრდა. პროგრამაში მონაწილეობა ნებაყოფლობითია და მასში ამ ეტაპზე ჩართულნი არიან საჯარო სკოლების VII, VIII და IX კლასის მოსწავლეები. პროგრამის ფარგლებში მოსწავლეებს საშუალება აქვთ დაეუფლონ და განავითარონ საჭირო საბაზო უნარები. მოსწავლეები მოირგებენ მღებავის, მკერავისა და მუყაოს კონსტრუქციების მომონტაჟის პროფესიებს. პროფესიულ კოლეჯ „მოდუსის” მიერ უკვე მოეწყო მინიმალური ბაზა, სადაც მოსწავლეებს მათთვის საინტერესო პროფესიის უნარების შესაძენად პრაქტიკული გაკვეთილები ჩაუტარდებათ. პროექტის ფარგლებში შეძენილი აღჭურვილობა და ტექნიკა მისი დასრულების შემდეგ სკოლის საკუთრებაში დარჩება. აღნიშნული პროგრამა სამთვიანია და დეკემბერის თვეში დასრულდება, პირველ ეტაპზე მასში რუსთვის ხუთი სკოლა იღებს მონაწილეობას.

პროექტს ახორციელებს საქართველოს განათლებისა და მეცნიერების სამინისტრო, პროფესიული და ზოგადსაგანმანათლებლო დაწესებულებებთან თანამშრომლობით. აღსანიშნავია, რომ მოსწავლეებში შრომითი უნარების განვითარებისა და პროფესიული განათლების პოპულარიზაციისთვის კონკურსიში 138 საჯარო სკოლა მიიღებს მონაწილეობას.