2017-11-29 18:16:45
კომპანია „რუსთავის წყალი“ სპეციალურ განცხადებას ავრცელებს - "დღეს, 29 ნოემბერს, კომპანია „რუსთავის წყლის“ სატუმბო სადგურის მიმდებარედ, 800 მმ-იანი ცენტრალური მაგისტრალური ქსელი ავარიულად დაზიანდა.
აღდგენითი სამუშაოების ჩასატარებლად აუცილებელია მაგისტრალური ქსელის წყლისგან დაცლა. მოსახლეობისთვის ნაკლები დისკომფორტის შექმნის მიზნით, ტექნიკური სამუშაოების ძირითადი ნაწილი ღამის საათებში განხორციელდება.
აღნიშნულთან დაკავშრებით, დღეს, 29 ნოემბერს, საღამოს 22:00 საათიდან, ხვალ, 30 ნოემბრის, 16:00 საათამდე, წყალმომარაგება შეეზღუდება: ქ. რუსთავის მარცხენა სანაპიროს და ჭყონდიდელის დასახლებას.
წყალმომარაგების შეწყვეტისა და აღდგენის შესახებ ინფორმაციას კომპანია „რუსთავის წყალი“ აბონენტებს წინასწარ, SMS-შეტყობინების სახით მიაწოდებს.
დეტალური ინფორმაციის მოძიება შესაძლებელია კომპანიის ცხელი ხაზის - 22 00 11 და ფეისბუქის საშუალებით.
კომპანია „რუსთავის წყალი“ დისკომფორტისთვის ბოდიშს უხდის მომხმარებლებს."
