რუსთავის #2 საჯარო სკოლის ფიზკულტურის პედაგოგმა მე-6 კლასელ მოსწავლეს ფიზიკური შეურაცხყოფა მიაყენა. შემთხვევა დაახლოებით 3 კვირის წინ მოხდა. სკოლის დირექტორის, ლალი ნაზღაიძის განცხადებით, უთანხმოება მას შემდეგ დაიწყო, რაც მოზარდმა პედაგოგს განუცხადა რომ გაკვეთილისთვის საჭირო ფორმა სახლში დარჩა. ნაზღაიძის თქმით, მასწავლებელი მოსწავლეს ხელით შეეხო, თუმცა ამას ცემის ფორმა არ ჰქონია.

სიტუაციის გასარკვევად სკოლაში მოზარდის მშობელი მივიდა, მისი თქმით, ფიზკულტურის მასწავლებელმა ფიზიკური შეურაცხყოფა მასაც მიაყენა.

მომხადრის გამო პედაგოგი სკოლიდან გაათავისუფლეს. ფაქტს რუსთავის რესურს-ცენტრში ადასტურებენ. თამარ ხეჩიკაშვილის განცხადებით, მსგავსი შემთხვევა იგივე პედაგოგთან გასულ წელსაც მოხდა, ფაქტს მაშინაც მოჰყვა რეაგირება და მასწავლებელი სამსახურიდან გაუშვეს, თუმცა მოგვიანებით მისი სკოლაში დაბრუნება მოხდა.

 წელს მშობლის განაცხადის საფუძველზე, პედაგოგის ქმედება დისწიპლინურმა კომიტეტმა კიდევ ერთხელ განიხილა. ფიზკულტურის მასწავლებელი #2 საჯარო სკოლიდან, ბავშვზე ძალადობის ბრალდებით, მეორედ გაათავისუფლეს.

„ინფო რუსთავი“ ფიზკულტურის მასწავლებელს რამდენჯერმე დაუკავშირდა თუმცა თემის ირგვლივ საუბარზე უარი განაცხადა.