რუსთავის ცენტრალურ პარკში "შემოდგომის ფესტივალის" ფარგლებში, "შემოდგომის ბაზრობა" გაიმართა. ღონისძიებაზე  ხელოვნების სკოლის აღსაზრდელთა ნამუშევრებისა და  ხელნაკეთი ნივთების გამოფენა-გაყიდვა მოწეყო, გარდა ამისა გაიმართა ხატვის ვორქშოფი, "ყველის ფესტივალი", საცირკო და თოჯინების თეატრის წარმოდგენა, ასევე შეჯიბრება ბურგერების მომზადებაში, რომელში მონაწილეობა საკრებულოს წევრებმაც მიიღეს.

ღონისძიებას საქართველოში გაეროს განვითარების პროგრამის მუდმივი წარმომადგენლის მოადგილე შომბი შარპი, ქალაქ რუსთავის მუნიციპალიტეტის მერი ირაკლი ტაბაღუა, საკრებულოს თავმჯდომარე ლევან ონიანი, დეპუტატები და  ადგილობრივი ხელისუფლების  სხვა წარმომადგენლები ესწრებოდნენ.

„შემოდგომის ბაზრობა“ გაეროს განვითარების პროგრამის/UNV-სა  და საერთაშორისო ქსელის Edgeryders  ერთობლივი პროექტ - Futuremakers-ით მიღწეული შედეგების გაზიარებას, ადგილობრივი მოსახლეობის თანამშრომლობის გაღრმავებას ადგილობრივ ხელისუფლებასთან და ადგილობრივი ინიციატივების ხელშეწყობას მიეძღვნა.  

ღონისძიება UNDP-ისა და რუსთავის მერიის ორგანიზებით ჩატარდა, ფესტივალის მხარდამჭერი კი მაკდონალდსი იყო.