2022-10-21 14:41:40
რუსთავში 40 წლის კაცი დაიკარგა.
როგორც "ინფო რუსთავს" დაკარგულის დამ განუცხადა, მამაკაცს 9 ოქტომბრის შემდეგ ეძებენ. საძიებო სამუშაოებში ჩართულია პოლიციაც.
"9 ოქტომბრის შემდეგ ვეღარ ვუკავშირდებით, ბოლოს კი კამერები 10 ოქტომბერს აფიქსირებს, როგორ გამოდის სტამბულის ბაზრის ტერიტორიაზე არსებული ლომბარდიდან და ტაქსიში ჯდება. ტაქსის მძღოლი დაკითხეს, ამბობს სახლამდე მივიყვანეო, მაგრამ კორპუსთან კამერებია და ჩანს, რომ სახლში არ არის მიყვანილი, ალბათ არ ახსოვს.
ოჯახის წევრები ყველანი რაიონში ვიყავით, თვითონ მარტო იყო სახლში", - განუცხადა "ინფო რუსთავს" დაკარგული კაცის დამ.
თუ ფლობთ რაიმე სახის ინფორმაციას, დარეკეთ ნომერზე - 511191754.
