2023-10-05 18:11:12
ზუგდიდის მუნიციპალიტეტის სოფელ ინგირში ერთმანეთს ორი მსუბუქი ავტომობილი შეეჯახა. შემთხვევის შედეგად ავტომობილების მძღოლები დაშავდნენ.
დაშავებულები ზუგდიდის რეფერალურ საავადმყოფოში გადაიყვანეს. არსებული ინფორმაციით, პაციენტებს სხვადასხვა სახის დაზიანება აღენიშნებათ, თუმცა მათ სიცოცხლეს საფრთხე არ ემუქრება.
ავარიის გამო, მოძრაობა ზუგდიდი-ანაკლიის დამაკავშირებელ გზაზე დაახლოებით 20 წუთით იყო შეფერხებული.
შემთხვევის ადგილზე მუშაობს პოლიცია, სამაშველო და სასწრაფო დახმარების სამსახურები.
ავარიის გამომწვევი მიზეზი უცნობია, ფაქტზე მიმდინარეობს გამოძიება.
ფოტო: ფორმულა
