კრიმინალური პოლიციის რეფორმის ფარგლებში, საქართველოს შინაგან საქმეთა სამინისტროში, ქ. თბილისის პოლიციის დეპარტამენტის შემდგომ, სხვა ტერიტორიულ დანაყოფებშიც გაიმიჯნა საგამოძიებო, ოპერატიული და საუბნო მიმართულებები.
რეფორმის ფარგლებში, კანდიდატთა შერჩევის მიზნით, ცხადდება კონკურსი მართლწესრიგის ოფიცრის, გამომძიებლის და უფროსი გამომძიებლის 66 ვაკანტურ თანამდებობაზე შემდეგ დანაყოფებში:

• აჭარის ავტონომიური რესპუბლიკის პოლიციის დეპარტამენტში - გამომძიებლის 15 ვაკანსია;
• გურიის პოლიციის დეპარტამენტში - გამომძიებლის 2 ვაკანსია;
• სამეგრელო-ზემო სვანეთის პოლიციის დეპარტამენტში - გამომძიებლის 9 ვაკანსია;
• იმერეთის, რაჭა-ლეჩხუმისა და ქვემო სვანეთის პოლიციის დეპარტამენტში - გამომძიებლის 6 ვაკანსია და უფროსი გამომძიებლის 2 ვაკანსია;
• სამცხე-ჯავახეთის პოლიციის დეპარტამენტში - გამომძიებლის 1 ვაკანსია;
• შიდა ქართლის პოლიციის დეპარტამენტში - გამომძიებლის 4 ვაკანსია;
• ქვემო ქართლის პოლიციის დეპარტამენტში - გამომძიებლის 6 ვაკანსია და მართლწესრიგის ოფიცრის 16 ვაკანსია;
• კახეთის პოლიციის დეპარტამენტში - გამომძიებლის 5 ვაკანსია.

მართლწესრიგის ოფიცრის ვაკანტურ თანამდებობაზე კონკურსში მონაწილეობის მიღება შეუძლია უმაღლესი განათლების მქონე საქართველოს მოქალაქეს, ხოლო გამომძიებლისა და უფროსი გამომძიებლის ვაკანტურ თანამდებობაზე კონკურსში მონაწილეობის მისაღებად სავალდებულოა კანდიდატს ჰქონდეს უმაღლესი იურიდიული განათლება.
კონკურსთან დაკავშირებული დამატებითი ინფორმაციის მისაღებად და განაცხადის შესავსებად შეგიძლიათ ეწვიოთ სამინისტროს ოფიციალურ ვებ-გვერდს - https://hr.police.ge/