2022-06-18 23:16:05
რუსთავში, მე-12 მიკრორაიონში 3 ახალგაზრდა მამაკაცი დაჭრეს.
"ინფო რუსთავის" ინფორმაციით, სისხლიანი დაპირისპირება ერთ-ერთი საცხოვრებელი კორპუსის ეზოში მოხდა.
ჯერ-ჯერობით უცნობია, რა გახდა ახალგაზრდებს შორის დაპირისპირების მიზეზი.
სასწრაფო-სამედიცინო დახმარების ეკიპაჟებმა დაშავებულები სამედიცინო დაწესებულებაში გადაიყვანეს.
შემთხვევის ადგილზე მობილიზებულია პოლიციის რამდენიმე ეკიპაჟი.
