ავტოსაგზაო შემთხვევის შედეგად დაშავებული 35 წლამდე ქალი გარდაიცვალა, ის კლინიკაში 10 დღის განმავლობაში იმყოფებოდა.
შემთხვევა 6 იანვარს, ლიკანთან მოხდა. მსუბუქ ავტომობილში, რომელიც დამცავ კედელს შეეჯახა, 5 ადამიანი იმყოფებოდა. 35 წლამდე ქალი ყველაზე მძიმედ დაშავდა.
გარდაცვლილის ოჯახის წევრების განცხადებით, კლინიკაში შეყვანის შემდეგ დაშავებულს ოპერაცია ჩაუტარდა, რის შემდეგაც 10 დღე მართვით სუნთქვაზე, ნეიროქირურგიულ კლინიკაში იმყოფებოდა.