2022-01-15 19:30:42
ბოლო დღეებთან შედარებით რუსთავში ეპიდვითარება გაუარესდა.
გასული 24 საათის განმავლობაში, კორონავირუსი რუსთავის N2 დიაგნოსტიკურ ცენტრში გამოკვლეულ 46 პირს დაუდასტურდა.
როგორც კლინიკის ხელმძღვანელის მოადგილემ, რუსუდან ადამიამ "ინფო რუსთავს" განუცხადა, ვირუსზე სამედიცინო დაწესებულებაში სწრაფი ტესტით 83 პირი შემოწმდა.
მათ შორის 21 პირს ვირუსი "პსრ" კვლევით დაუდგინდა.
კორონავირუსის 12 ახალი შემთხვევა გამოვლინდა რუსთავის N1 დიაგნოსტიკურ ცენტრში.
როგორც "ინფო რუსთავს" კლინიკის ხელმძღვანელმა, მერი ლოლაძემ განუცხადა, სამედიცინო დაწესებულებაში სწრაფი ტესტით, ჯამში, 93 პირი გამოიკვლიეს.
მათ შორის 1 პირს ვირუსი "პსრ" კვლევით დაუდგინდა.
