რუსთავში ფიროსმანის ქუჩაზე შიდა ეზოების კეთილმოწყობა იგეგმება.

შესაბამისი ელექტრონული ტენდერი რუსთავის მუნიციპალიტეტის მერიამ უკვე გამოაცხადა.

როგორც სატენდერო დოკუმენტაციაში ვკითხულობთ, შიდა ეზოების მოწყობა იგეგმება შემდეგ მისამართებზე: #31, 33, 35, 37, 37ა.

აღნიშნული პროექტის ფარგლებში ასევე უნდა გაკეთდეს ოდიშარიას, 1-ლი მაისისა და გაგარინის (ფიროსმანის ქუჩიდან მშენებელთა ქუჩის კვეთამდე) ქუჩებზე ტროტუარი.

მუნიციპალიტეტიდან სამუშაოების შესასრულებლად 562 944 ლარია გამოყოფილი.