მიხეილ სააკაშვილის დედის, გიული ალასანიას განცხადებით, მიხეილ სააკაშვილი რუსთავის ციხიდან გადაიყვანეს.
რუსთავის ციხესთან ცოტა ხნის წინ ვერტმფრენი იყო მობილიზებული.
ჯერჯერობით უცნობია, სად გადაიყვანეს სააკაშვილი.
ცნობისთვის, რუსთავის მე-12 სასჯელაღსრულების დაწესებულება სამედიცინო კონსილიუმმა და მიხეილ სააკაშვილის პირადმა ექიმმა, ნიკოლოზ ყიფშიძემ დატოვეს, რომლის თქმითაც კონსილიუმმა ერთხმად მიიღო გადაწყვეტილება და რეკომენდაცია, რომ საქართველოს მე-3 პრეზიდენტი გადაუდებლად საჭიროებდა მრავალპროფილურ სამედიცინო ცენტრში გადაყვანას.