რუსთავის ცხელების ზონებში, გასული 24 საათის განმავლობაში, კოვიდ 19-ის 5 ახალი შემთხვევა დადასტურდა.
ცხელების ზონაში, რომელიც კლინიკა "რუსთავშია" განთავსებული, კორონავირუსი 4 პაციენტს დაუდასტურდა. ეპიდემიოლოგ მაია როგავას თქმით, აქედან 3 კლინიკა "რუსთავის" თანამშრომელია.
"ერთი სამშორბიარო ნაწილშია ექიმი, ერთი ქირურგის ექთანი, ერთი კი ადმინისტრაციულ ნაწილში მუშაობს. მათ ცხელების ზონასთან შეხება არ ჰქონიათ", - განაცხადა როგავამ.
რაც შეეხება რუსთავის ცენტრალურ საავადმყოფოში მოწყობილ ცხელების ზონას, აღნიშნულ ზონაში კოვიდ19-ის 1 ახალი შემთხვევა გამოვლინდა. კლინიკის ეპიდემიოლოგის, მაია რაზმაძის თქმით, პაციენტების ნაწილისთვის დაინფიცირების წყარო უცნობია. კოვიდინფიცირებული 80 წლამდე მამაკაცია.
პაციენტების კონტაქტების წრის მოკვლევის მიზნით, მიმდინარეობს ღრმა ეპიდემიოლოგიური კვლევა.