გაჩიანში კორონავირუსის ერთი ახალი შემთხვევა დაფიქსირდა - ამის შესახებ თბილისის ინფექციური საავადმყოფოს სამედიცინო დირექტორმა მარინა ეზუგბაიამ განცხადა.

ეზუგბაიას ინფორმაციით, საქართველოში გამოვლენილი კორონავირუსის რვა ახალი შემთხვევიდან ხუთი შემოტანილია, ერთი დადასტურებულ შემთხვევასთან კონტაქტს განეკუთვნება, ერთი შემთხვევა გაჩიანს უკავშირდება, ხოლო კიდევ ერთი სამედიცინო პერსონალის წარმომადგენელია.

„გუშინ იყო 1160 დადასტურებულიშემთხვევა, დაემატა რვა ახალი და ამჟამად გახლავთ 1168 შემთხვევა. გამოჯანმრთელებულების რიცხვი ხუთით გაიზარდა და გახდა 940. რვა შემთხვევიდან ხუთი შემოტანილი შემთხვევაა. აქედან ორი სატვირთო ავტომანქანის მძღოლია, ერთი დადასტურებული შემთხვევის წყარო გაჩიანია, კიდევ ერთი დადასტურებულ შემთხვევასთან კონტაქტია, ხოლო ერთი შემთხვევა სამედიცინო პერსონალია“, – განაცხადა მარინა ეზუგბაიამ.

მისივე ინფორმაციით, ამ დროისთვის კოვიდ-ცენტრებში 249 პაციენტი მკურნალობს, ვირუსისგან განკურნებულთა საერთო რაოდენობა კი 80.5 პროცენტს შეადგენს.