2020-07-23 23:49:31
რუსთავის მიმდებარე სოფლები შესაძლოა ჩაიკეტოს.
"ინფო რუსთავი"-სთვის ცნობილი გახდა რომ გარდაბნის მუნიციპალიტეტის სოფლები (რომლებიც რუსთავიდან რამდენიმე კილომეტრშია) გაჩიანი, ყარაჯალარი და ყარათაკლია ჩაიკეტება და ადგილობრივებისთვის შესვლა-გამოსვლა შეიზღუდება.
აღნიშნულ გადაწყვეტილებას მთავრობის საკოორდინაციო საბჭოზე სავარაუდოდ მალე მიიღებენ.
სოფლების ჩაკეტვის მიზეზი კოვიდ19-ით ინფიცირებულთა რიცხვის ზრდა და ადგილობრივების ვირუსთან მიმართებაში უპასუხისმგებლო დამოკიდებულება სახელდება.
ამ დროისთვის სოფლების შესასვლელში პოლიცია მორიგეობს და შემსვლელ-გამომსვლელებს სიცხეს უზომავენ.
აღსანიშნავია რომ ბოლო დღეების განმავლობაში ექიმებს პაციენტებთან და მათ კონტაქტებთან მუშაობის პრობლემა ჰქონდათ.
