2020-06-25 11:44:27
სიღნაღის მუნიციპალიტეტში, სოფელ ტიბაანთან ავტოსაგზაო შემთხვევას 3 წლის ბავშვი ემსხვერპლა.
არსებული ინფორმაციით, მაღალი სიჩქარით მოძრავი მსუბუქი ავტომანქანა ელექტროგანათების ბოძს შეეჯახა. შემთხვევის შედეგად სამი წლის ბავშვი გარდაიცვალა, რომელიც სავარაუდოდ მანქანის წინა სავარძელზე იჯდა.
შსს ინფორმაციით, მომხდარზე გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
