კორონავირუსისგან კიდევ რამდენიმე პაციენტი გამოჯანმრთელდა, ასევე გაიზარდა ინფიცირებულთა რაოდენობაც.

საქართველოში COVID-19 კიდევ 29 პაციენტმა დაამარცხა. ჯამში, გამოჯანმრთელებულთა რაოდენობა 269-ია.

"6 ახალი პაციენტიდან, 2 ბოლნისის წყაროა, 2 ზუგდიდის და 2 საკარანტინო სივრციდან არის, ანუ ყველას წყარო ცნობილია. ისინი მოთავსდნენ სხვადასხვა კლინიკაში და უტარდებათ მკურნალობა. ჩვენთან 56 პაციენტი წევს ამ ეტაპზე, აქედან 2 არის შესაძლო შემთხვევა, რომელსაც ჩაუტარდება ტესტირება და გაირკვევა მათი მდგომარეობა, 54 გვყავს დადასტურებული შემთხვევა, 29 გამოჯანმრთელებულიდან 4 პაციენტი ჩვენია", - განაცხადა ინფექციური საავადმყოფოს სამედიცინო დირექტორმა მარინა ეზიგბაიამ.

ბოლო მონაცემები:

კორონავირუსის დადასტურებული შემთხვევა - 610

მათ შორის გამოჯანმრთელებული - 269

მათ შორის გარდაცვლილი - 9

კარანტინის რეჟიმში - 5083

სტაციონარში მეთვალყურეობის ქვეშ - 505

უცხოეთიდან სამკურნალოდ გადმოყვანილი საქართველოს მოქალაქეები - 3