2020-05-01 10:05:38
რუსთავში სასაფლაოების შესასვლელებს სამართალდამცველები ისევ აკონტროლებენ.
საპოლიციო კონტროლი რამდენიმე ლოკაციაზე მიმდინარეობს. სამართალდამცველებს სასაფლაოებთან მისასვლელი გზები აქვთ გადაკეტილი.
საქართველოს მთავრობის 2020 წლის 23 მარტის №181 დადგენილების თანახმად, ახალი კორონავირუსის გავრცელების თავიდან აცილების მიზნით, საქართველოს მასშტაბით სასაფლაოს ტერიტორიაზე შესვლა შეზღუდულია.
საქართველოს შინაგან საქმეთა სამინისტრო მოქალაქეებს მოუწოდებს დარჩნენ სახლში, აუცილებლობის გარდა, თავი შეიკავონ საჯარო სივრცეში გადაადგილებისგან და გაუფრთხილდნენ ერთმანეთის ჯანმრთელობას.
