2017-04-05 13:08:39
გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს თანამშრომლებმა ბზის უკანონო მოპოვებისა და ტრანსპორტირების ფაქტი გამოავლინეს.
მარტვილის მუნიციპალიტეტში, ლებარდეს მიმდებარე ტერიტორიაზე, დეპარტამენტის თანამშრომლებმა ბზის ტოტებით დატვირთული მიკროავტობუსი შეაჩერეს, რომელსაც მოქალაქე ჯ.შ. მართავდა.
გარემოსადმი მიყენებული ზიანის ოდენობამ 49 124 ლარი შეადგინა.
ფაქტი სისხლის სამართლის კოდექსით გათვალისწინებული დანაშაულის ნიშნებს შეიცავს ამიტომ, მასალები შემდგომი რეაგირებისათვის შესაბამის საგამოძიებო ორგანოს გადაეგზავნა.
