ქვემო ქართლში სახელმწიფო რწმუნებული-გუბერნატორი, შოთა რეხვიაშვილი და ქალაქის მერი ირაკლი ტაბაღუა, თავდაცვის სამინისტროსა და ცენტრალური და ადგილობრივი ხელისუფლების სხვა წარმომადგენლებთან ერთად, რუსთავის მე-7 საჯარო სკოლაში, კალათბურთში, ვახტანგ გზირიშვილის სახელობის გარდამავალი თასის ტურნირის ფინალს დაესწრნენ.

ტრადიციულ სპორტულ ღონისძიებაში, მონაწილეობა მიიღეს ამავე სკოლის მე-12 კლასის მოსწავლეებმა. გამარჯვებული გუნდი და ფინალისტები მარინა გზირიშვილმა, ქვემო ქართლის გუბერნატორმა, ქალაქის მერმა და მოწვეულმა სტუმრებმა სპეციალური თასებითა და სიგელებით დაჯილდოვეს.

აღსანიშნავია, რომ ჩვენი დროის გმირის, 2008 წლის აგვისტოს ომში დაღუპული კაპრალის, ვახტანგ გზირიშვილის სახელობის ტურნირი, მის მშობლიურ სკოლაში, წელს უკვე მეათედ გაიმართა.