რუსთავი-რკინიგზის სადგურის მოედნის მიმართულებით მოძრავი ავტობუსების მოძრაობის საწყისი წერტილი ჭყონდიდლის დასახლება იქნება.

სწორედ ჭყონდიდლის დასახლებიდან დაიწყებს მუნიციპალური ავტობუსი მგზავრების აყვანას.

აღნიშნული მარშრუტის გრაფიკული გამოსახულება რუსთავის მერმა, ნინო ლაცაბიძემ 2025 წლის გეგმების პრეზენტაციაზე წარადგინა.

გაჩერებები რუსთავში მას შემდეგ, რაც ავტობუსი მგზავრების აყვანას ჭყონდიდლის დასახლებიდან დაიწყებს: აღმაშენებლის გამზირი (რაგბის მოედნის მიმდებარე), მე-12 მკრ N3, მე-12 მკრ N6, ლეონიძის ქუჩა N12-ის მოპირდაპირედ, ლეონიძის N22-ის მოპირდაპირედ, ლეონიძის N26-ის მოპირდაპირედ, ტაშკენტის ქუჩა N16, ტაშკენტის ქუჩა N17, შარტავას ქუჩა N8, ქუთაისის მოედანი. 

რუსთავის მერის თქმით, აღნიშნულ მარშრუტის ამუშავება უახლოეს დღეებში მოხდება.