ქვემო ქართლის მასშტაბით მართვის მოწმობის ასაღები გამოცდის როგორც თეორიული, ასევე პრაქტიკული გამოცდის ორივე ეტაპის ჩაბარება მხოლოდ რუსთავშია შესაძლებელი.

შინაგან საქმეთა სამინისტროს მიერ გამოქვეყნებული მონაცემების მიხედვით, გასულ წელს რუსთავის საგამოცდო ცენტრში გამოცდების ჩაბარება და მართვის მოწმობის აღება 3302-მა ადამიანმა შეძლო.

I კვარტალი - 716

II კვარტალი - 795

III კვარტალი - 969

IV კვარტალი - 822

იმ ადამიანებს შორის, ვინც გასულ წელს წარმატებით ჩააბარეს მართვის მოწმობის როგორც თეორიული, ასევე პრაქტიკული გამოცდის ორივე ნაწილი, 922 არასრულწლოვანია, ანუ 16 და 17 წლის პირი.

აღსანიშნავია, რომ რუსთავში გამოცდის ჩასაბარებლად არამხოლოდ ქვემო ქართლიდან, არამედ სხვა რეგიონებიდანაც ჩამოდიან.