2025-01-17 23:25:43
რუსთავი-თბილისის დამაკავშირებელ მაგისტრალზე (კრწანისის ტყეპარკის მიმდებარედ) ავტოსაგზაო შემთხვევა მოხდა.
"ინფო რუსთავი"-ს ინფორმაციით, "ჰიუნდაის" მარკის ავტომობილის მძღოლმა, სავარაუდოდ, საჭე ვერ დაიმორჩილა და სატვირთო მანქანას უკნიდან დაეჯახა, სატვირთო კი ინერციით წინ მიმავალ "ოპელის" მარკის მსუბუქ ავტომობილს შეეჯახა.
შემთხვევის შედეგად 3 ადამიანია დაშავდა.
სასწრაფო-სამედიცინო დახმარების ეკიპაჟემა დაშავებულები "კლინიკა რუსთავში" გადაიყვანეს.
როგორც "ინფო რუსთავს" სამედიცინო დაწესებულებაში გადაუდებელი დახმარების დეპარტამენტის მორიგე ექიმმა, ლალი ღირსიაშვილმა განუცხადა, პაციენტებს მრავლობითი მოტეხილობები აღენიშნებათ, თუმცა მათი დაზიანებები სიცოცხლესთან შეუთავსებელი არაა.
ავტოსაგზაო შემთხვევის ადგილზე მობილიზებული იყო საპატრულო პოლიცია და სამაშველო სამსახური.
