როგორ გავილამაზოთ ღიმილი სტომატოლოგიური ვინირების საშუალებით

მართლაც, ვინირები დღეს ესთეტიკურ სტომატოლოგიაში ერთ-ერთი ყველაზე მოთხოვნადი პროცედურაა. მკურნალობის ამ გზას მიმართავენ პაციენტები, რომლებსაც სხვადასხვა სტომატოლოგიური დეფექტის დაფარვა სურთ: კბილის არასასურველი ფერი ან ფორმა, არასწორი თანკბილვა, მცირე დგომის ანომალიები, ტრემები, დიასთემები და სხვ. ქვევით დეტალურად განვიხილავთ ყველაფერს, რაც ვინირების შესახებ უნდა ვიცოდეთ, მათ უპირატესობებსა და პროცედურის სრულ ანატომიას.  

რა არის ვინირები?

ვინირები თხელი, შეკვეთით დამზადებული ფირფიტებია, რომლებიც კბილისფერი მასალისგან იქმნება. ფირფიტები იქმნება იმისთვის, რომ კბილების წინა ზედაპირი დაფაროს და შეუმჩნეველი გახადოს ყველა ის ესთეტიკური დეფექტი, რომელიც პაციენტს აწუხებს. ვინირები პაციენტის კბილის ფერის, ფორმისა და ზომის შესაბამისად მზადდება. შედეგად ვიღებთ ბუნებრივ, მოწესრიგებულ და ჯანსაღ ღიმილს.  

ვინირების რამდენიმე უპირატესობა

ვინირების პოპულარობის ასახსნელად რამდენიმე მიზეზი განვიხილოთ:

ლამაზი ღიმილი

კბილის ვინირების უმთავრესი დანიშნულება და უპირატესობაც უფრო ლამაზი და ჯანსაღი ღიმილია. როგორც უკვე ვთქვით, ვინირებს მთელი რიგი კოსმეტიკური პრობლემების გადაჭრა შეუძლია, დაწყებული კბილის ფერის გაუმჯობესებით, დამთავრებული ბზარების ამოვსებით. თხელი ფირფიტები, სწორად დამზადებისა და დაყენების შემთხვევაში, იდეალურად ერწყმის პაციენტის პირის ღრუს და ბუნებრივ შედეგს იძლევა. 

გრძელვადიანი შედეგი 

სათანადო მოვლის პირობებში ვინირები წლების განმავლობაში ასრულებს საქმეს. ისეთი კოსმეტიკური პროცედურებისგან განსხვავებით, როგორიც, მაგალითად, კბილების გათეთრებაა, ვინირები პრობლემის უფრო ხანგრძლივ გადაჭრას გვთავაზობს.   

მარტივი პროცედურა

ვინირების დაყენება მინიმალურად ინვაზიური პროცესია, შესაბამისად, პაციენტები არ უჩივიან დისკომფორტს და პროცედურის შემდგომ გართულებებს. ამასთან, პროცესი საკმაოდ სწრაფია და სტომატოლოგთან სულ რამდენიმე ვიზიტია საჭირო. საქმის უდიდესი ნაწილი, რომელიც ვინირების დამზადებას გულისხმობს, პაციენტისგან დამოუკიდებლად მიმდინარეობს. საჭიროა მხოლოდ კბილების ნიმუშის აღება წინასწარ და შემდეგ ფირფიტის მორგება.  

ლაქგამძლე მასალა

როგორც იცით, ჩვენი კბილები საკმაოდ მგრძნობიარეა ყავის, ჩაის თუ სხვადასხვა საკვები და სასმელი ნივთიერებების მიმართ და მიდრეკილია ლაქების გაჩენისკენ. ვინირები, რომლებიც მაღალი ხარისხის ფაიფურისგანაა დამზადებული, ლაქების მიმართ გამძლეობით გამოირჩევა. ამიტომაც, ვინირების საშუალებით პაციენტებს შეუძლიათ თავისუფლად მიიღონ საყვარელი სასმელი და საკვები ისე, რომ ლამაზი და ნათელი ღიმილიც შეინარჩუნონ.  

ვინირების დაყენება

ვინირების დაყენება, როგორც წესი, რამდენიმე ნაბიჯს გულისხმობს: 

1. კონსულტაცია: სტომატოლოგიური კონსულტაციის დროს ექიმი შეაფასებს თქვენს პირის ღრუს ჯანმრთელობას და დაადგინს, არის თუ არა ვინირები მკურნალობის სწორი გზა თქვენთვის.  

2. დამზადება: სტომატოლოგი იწყებს ვინირების დამზადებას. კერამიკული ვინირები იქმნება ლაბორატორიაში; ხოლო მეორე ტიპის, კომპოზიციური ვინირები, უშუალოდ სტომატოლოგის კაბინეტში მზადდება და პირდაპირ განთავსდება პაციენტის პირის ღრუში.  

3. დაყენება: როგორც კი ვინირები დამზადდება, სტომატოლოგი მათ კბილების წინა ზედაპირზე ფრთხილად შეაერთებს ძლიერი წებოვანი ლენტის გამოყენებით. საჭიროებისამებრ, ექიმი შესწორებებსაც შეიტანს სრულყოფილი შედეგისთვის.  

4. რეკომენდაციები: პროცედურის შემდეგ სტომატოლოგი მოგაწვდით საჭირო ინსტრუქციებსა და რჩევებს ვინირების მოვლასთან დაკავშირებით. ამასთან, ჩაგინიშნავთ განმეორებით ვიზიტებს ვინირებზე დასაკვირვებლად. 

შეჯამება

კბილის ვინირები არის ინოვაციური გზა კბილების სხვადასხვა კოსმეტიკური დეფექტების დასაფარად. პროცედურა მარტივი, უმტკივნეულო და კომფორტულია, სწორად მოვლის პირობებში კი ვინირები წლების განმავლობაში ინარჩუნებს პირვანდელ ეფექტს. ლამაზი ღიმილი თავდაჯერებულობის წინაპირობაა!