რუსთავში მცხოვრებ სოციალურად დაუცველი მოსახლეობის კვებაზე კომპანია „ალიონი“ იზრუნებს. კომპანიამ, სოციალური სამსახურის მიერ გამოცხადებულ ტენდერში გაიმარჯვა. კომპანიის წარმომადგენლის განცხადებით, „ალიონი“ უფასო სასადილოების ბენეფიციარებს შარშანაც ემსახურებოდა.უფასო სასადილოების თითოეულ ბენეფიაციარზე 1.43 თეთრი იქნება გამოყოფილი.

ტენდერის თანახმად, წელს მენიუს კალორაჟი 900-ის ნაცვლად არანაკლებ 1200 იქნება.

ზამთრის მენიუ:

ორშაბათი:

მაკარონის წვნიანი 400 გრ, კატლეტი 80 გრ, წიწიბურას გარნირით 120 გრ, ხილის კომპოტი 200 გრ,  პური.

სამშაბათი:

ბრინჯის სუპი 400 გრ, სოსისი 50 გრ, ვერმისელის გარნირით 150 გრ,  კისელი 200 გრ, პური და ფუნთუშა 200/80 გრ

ოთხშაბათი:

ლობიოს წვნიანი 400 გრ, მაკარონი ხორცით 200 გრ, ხილის კომპოტი 200გრ, პური

ხუთშაბათი:

ვერმიშელის წვნიანი 400 გრ, პიურე 200გრ, თევზი 50 გრ, ხილის კომპოტი, პური, ფუნთუშა

პარასკევი:

ბარდის წვნიანი 400 გრ, დაღერღილი ხორბლის ფაფა 200 გრ, ხილის კომპოტი 200 გრ, პური

შაბათი:

ბორში 400 გრ, ჰერკულესის ფაფა 200 გრ, ხილის კომპოტი 200 გრ, პური და ფუნთუშა

კვირა:

ქათმის ბულიონი კუბიკებით 400 გრ, მანის ფაფა 200 გრ, კისელი 200 გრ, პური და ფუნთუშა

ბენეფიციარებს სასადილოთი სარგებლობა 4 მისამართზე სეეძლებათ:

• ბათუმის 17
• რჩეულიშვილის 9
• ქუჩიშვილის 1
• 20 მკრ-14 კორპუსის მიმდებარედ

ტენდერში გამარჯვებული კომპანიის ხელმძღვანელის განცხადებით, ტენდერში დასახელებული თანხა კომპანიას არ დაუწევია, რადგან პროდუქტების გაძვირების გამო, დასახელებული თანხა იყო მინიმალური ზღვარი, რის ფარგელებშიც კომპანია ხარისხიან მომსახურებას შეძლებდა.

„ალიონში“ აცხადებენ, რომ მკაცრად გაკონტროლდება ინგრედიენტების ხარისხი, გრამაჟი და საკვების მრავალფეროვნება.