რუსთავში საახალწლო განათებების მონტაჟი გრძელდება. შარშანდელთან შედარებით, წელს საახალწლოდ უფრო მეტი ქუჩა განათდება.
ამ ეტაპზე განათებებისა და დეკორაციების მონტაჟი შარტავას გამზირზე მიმდინარეობს.
"ინფო რუსთავის" ინფორმაციით, მერიის წინ საახალწლოდ ძველი ნაძვის ხე განახლებული სათამაშოებით დაიდგმება. ქალაქის ქუჩები კი სრულად 25 დეკემბრიდან განათდება.

2017 წელს საახალწლო დეკორაციების შესაძენად ბიუჯეტიდან 51 000  ლარი გამოიყო, რომლის ნაწილიც ახალი სათამაშოების შეძენას და ძველი კონსტრუქციების რეაბილიტაციას მოხმარდება. სამუშაოებს ააიპ "უზრუნველყოფის სამსახური" ასრულებს.