29 დეკემბერს ქვეყნის მასშტაბით ზოგადსაგანმანათლებლო დაწესებულებებში პირველი სემესტრი ოფიციალურად მთავრდება და ორ კვირიანი ზამთრის არდადეგები იწყება.

მეორე სემესტრი, რომელიც 100 სასწავლო დღეს მოიცავს, 15 იანვარს განახლდება და 14 ივნისამდე გაგრძელდება.

მეორე სემესტრის განმავლობაში სკოლებში 11 ოფიციალური დასვენების დღე იქნება.

3 მარტი - დედის დღე, 8 მარტი - ქალთა დღე, 9 აპრილი - 1989 წლის აპრილის ტრაგედიის დღე, 3-6 მაისი - აღდგომა, 9 მაისი - ფაშიზმზე გამარჯვების დღე, 12 მაისი - ანდრია მოციქულის ხსენების დღე, 26 მაისი - დამოუკიდებლობის დღე.