რუსთავში კომპანია ,,ინტერტრანსის'' ოფისი გაქურდეს. შემთხვევა 20 ნოემბერს გამთენიისას მოხდა. არსებული ინფორმაციით, სალაროდან 30 000 ლარის ოდენობის თანხა წაიღეს. კომპანიის საზოგადოებასთან ურთიერთობის სამსახურის ხელმძღვანელის, სოფო ცერცვაძის ცნობით, მოლარეს, რომელიც დილით კომპანიაში მივიდა, ოფისის ერთი კედელი შენგრეული, თანხა კი წაღებული დახვდა. მომხდართან დაკავშირებით შსს-ს უკვე ეცნობა.

შინაგან საქმეთა სამინისტროს ინფორმაციით, საქმესთან დაკავშირებით გამოძიება საქართველოს სსკ-ის 177-ე მუხლით მიმდინარეობს, რაც ქურდობას გულისხმობს.