ქვემო ქართლის სამხარეო ადმინისტრაციაში, ქვემო ქართლის გუბერნატორის მოადგილე, კახა კობერიძე ამერიკის სახელმწიფო დეპარტამენტის პროგრამაში გამარჯვებულ ახალგაზრდებს შეხვდა. #4 საჯარო სკოლის კურსდამთავრებული, ნინო კვირიკაშვილი და #24 საჯარო სკოლის კურდამთავრებული, ნატალია ჭამიაშვილი ერთი სემესტრით ამერიკაში გაემგზავრებიან. პროგრამა ამერიკულ უნივერსიტეტში განათლების მიღებას, ამერიკული კულტურის გაცნობას და მიღებული გამოცდილების ქვეყნის განვითარებისთვის გამოყენებას გულისხმობს. ახალგაზრდებს გუბერნატორისგან სიგელები და სუვენირები გადაეცათ. გუბერნატორის მოადგილის განცხადებით, „ეს გამარჯვება კიდევ უფრო ღირსშესანიშნავია იმის გამო, რომ ქვეყნის მასშტაბით სამი გამარჯვებულიდან ორი რუსთაველია.“ ის ახალგაზრდებს სამომავლო მიზნებზე და გეგმებზე გაესაუბრა და მომავალში მხარდაჭერას დაჰპირდა.