დღეს მე- 6 მოწვევის საკრებულოს პირველი სხდომა გაიმართა. სხდომას თავდაპირველად #20 საარჩევნო კომისიის თავმჯდომარე, გაგა აფციაური გაუძღვა და საკრებულოს წევრები წარადგინა.

მოგვიანებით გაიმართა კენჭისყრა, რომელში მონაწილეობის მიღებაზეც უარი განაცხადეს "ერთიანი ნაციონალური მოძრაობისა" და "ევროპული საქართველოს" წარმომადგენლებმა.

მმართველი გუნდისა და "ლეიბორისტული" პარტიის წარმომადგენლის გადაწყვეტილებით, 19 ხმით, მე-6 მოწვევის საკრებულოს თავმჯდომარე ლევან ონიანი გახდა.

რაც შეეხება თავმჯდომარის მოადგილეებს, თანამდებობებს დავით რეხვიაშვილი და ნინო ქავთარაძე დაიკავებენ.

"ინფო რუსთავმა" ახალი საკრებულოს პირველი სხდომა facebook live-ს საშუალებით გააშუქა. ნახეთ ვიდეო.