შინაგან საქმეთა მინისტრის ბრძანებით, ქალაქებში – რუსთავში, თელავში, ქუთაისსა და ფოთში ავტოტრანსპორტის მართვის უფლების მისაღებად განსაზღვრულ საგამოცდო მარშრუტებს ორ-ორი ახალი მარშრუტი დაემატა.

მართვის უფლების მისაღებად პრაქტიკული გამოცდის მეორე ეტაპის ჩაბარება ახალ საგამოცდო მარშრუტებზე 2023 წლის პირველი სექტემბრიდან იქნება შესაძლებელი.

შესაბამისად, მინისტრის ახალი ბრძანების მიხედვით [რომელიც 2023 წლის პირველი სექტემბრიდან ამოქმედდება], "სატრანსპორტო საშუალებათა მართვის უფლების მისაღები პრაქტიკული გამოცდის მეორე ეტაპის საგამოცდო მარშრუტებია:

"B" და "BE" კატეგორიებისთვის - ქ. რუსთავი, საგამოცდო მარშრუტი №1-№8; ქ. თელავი, საგამოცდო მარშრუტი №1-№2; ქ. გორი, საგამოცდო მარშრუტი №1-№2; ქ. ახალციხე, საგამოცდო მარშრუტი №1-№3; ქ. საჩხერე, საგამოცდო მარშრუტი №1-№3; ქ. ქუთაისი, საგამოცდო მარშრუტი №1-№4; ქ. ოზურგეთი, საგამოცდო მარშრუტი №1-№2; ქ. ფოთი, საგამოცდო მარშრუტი №1-№3; ქ. ბათუმი, საგამოცდო მარშრუტი №1-№2; ქ. ზუგდიდი, საგამოცდო მარშრუტი №1-№3;

"C" კატეგორიისთვის/"C1" და "D1" ქვეკატეგორიებისთვის - ქ. რუსთავი, საგამოცდო მარშრუტი №9-№10; ქ. თელავი, საგამოცდო მარშრუტი №3-№4; ქ. ქუთაისი, საგამოცდო მარშრუტი №5-№6; ქ. ფოთი, საგამოცდო მარშრუტი №4-№5;

"D" კატეგორიისთვის - ქ. რუსთავი, საგამოცდო მარშრუტი №9-№10; ქ. ქუთაისი, საგამოცდო მარშრუტი №5-№6".

რუსთავში, თელავში, ქუთაისსა და ფოთში დამატებული ახალი მარშრუტების სანახავად გადადით ამ ბმულზე.

საგამოცდო მარშრუტები ბათუმში, რუსთავში, თელავში, გორში, ახალციხეში, საჩხერეში, ქუთაისში, ოზურგეთსა და ფოთში, შს მინისტრმა 2022 წლის აპრილში დაამტკიცა, თუმცა ბრძანებაში იმავე წლის 22 ივნისს შევიდა ცვლილება; შესაბამისად, ამ ცხრა ქალაქში თავდაპირველად დამტკიცებული საგამოცდო მარშრუტები შეგიძლიათ ნახოთ ამ ბმულზე.

გასათვალისწინებელია, რომ 2023 წლის ივნისში შეიცვალა თელავის №2, ახალციხისა და საჩხერის საგამოცდო მარშრუტები. თელავის, ახალციხისა და საჩხერის განახლებული საგამოცდო მარშრუტები შეგიძლიათ ნახოთ ამ ბმულზე.

აღნიშნულ ქალაქებს მოგვიანებით დაემატა ზუგდიდიც. ზუგდიდის საგამოცდო მარშრუტების სანახავად კი, გადადით ამ ბმულზე.