ა(ა)იპ საბიბლიოთეკო გაერთიანება მუნიციპალიტეტში არსებული წიგნადი ფონდის გამოფენას მოაწყობს.რა

ა(ა)იპ მოსწავლე-ახალგაზრდობა შემოდგომის კუთხეს მოაწყობს, ასევე ნახატების გამოფენას გამართავს, ხოლო გიტარის შემსწავლელი წრის მოსწავლეები სიმღერებს შეასრულებენ.

ა(ა)იპ ივანე ჯავახიშვილის სახელობის გარდაბნის მხარეთმცოდნეობის მუზეუმი - სოფლების ნორიოს, მარტყოფისა და სართიჭალის მუზეუმებიდან უნიკალური ექსპონატების გამოფენას მოაწყობს. ა(ა)იპ "გარდაბნის მუნიციპალიტეტის თერაპიული ცენტრი განსაკუთრებული საჭიროების მქონე ბავშვებისათვის“ ბენეფიციარების - ხელნაკეთი ნივთების, თექის ნამუშევრებისა და ნახატების გამოფენა-გაყიდვა გაიმართება.

16:00 საათიდან ერთსაათიან გასართობ შოუ-პროგრამას პატარებს პანტომიმის თეატრი და მხიარული ანიმატორები შესთავაზებენ.

17:00 საათზე, სპეციალურად დამონტაჟებულ სცენაზე გაიმართება საზეიმო კონცერტი, სადაც ქართული შოუ-ბიზნესის ვარსკვლავები ნუკრი კაპანაძე, თიკა ჯამბურია, გია ნიკოლაძე, ზურაბ მოსიავა და სხვები მიიღებენ მონაწილეობას. ღონისძიების მსვლელობის დროს სიგელებითა და გარდაბნის სიმბოლიკიანი ორგმინით დაჯილდოვდება მუნიციპალიტეტის 22 ოქროსმედალოსანი სკოლადამთავრებული, ხოლო გარდაბნის ხუთ მკვიდრს მიენიჭება გარდაბნის საპატიო მოქალაქის სტატუსი, რომლებსაც სიგელები და მედლები გადაეცემათ. ღონისძიებას ცნობილი წამყვანები, თაკო ჩორგოლეიშვილი და ანდრია გველესიანი წაიყვანენ, კონცერტს კი ნიაზ დიასამიძე და ჯგუფი “33 ა“ დაასრულებს. ღონისძიება გრანდიოზული ფოიერვეკით დასრულდება.