2021-08-04 15:28:56
ფშაველი-აბანო-ომალოს გზაზე ავარიას ერთი ადამიანი ემსხვერპლა.
როგორც საინფორმაციო სააგენტო "ინფო რუსთავს" ახმეტის მუნიციპალიტეტის მერმა, იოსებ ქარუმაშვილმა განუცხადა, წინასწარი ინფორმაციით ჯიპის ტიპის ავტომობილი რამდენიმე მეტრის სიმაღლიდან გადავარდა.
ავტომობილში შემთხვევის დროს 2 პირი იმყოფებოდა. ერთი ადგილზე გარდაიცვალა, ხოლო მეორე სასწრაფო დახმარების ეკიპაჟმა სამედიცინო დაწესებულებაში გადაიყვანა.
როგორ "ინფო რუსთავს" შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
