2021-07-04 14:54:27
რუსთავში, ძლიერი ქარის გამო, რამდენიმე მისამართზე შექმნილი პრობლემები აღმოფხვრილია. ამის შესახებ რუსთავის მერიაში აცხადებენ.
სტიქიამ საცხოვრებელი სახლების სახურავები რუსთაველის N35, სარაჯიშვილის N5 და კოსტავას გამზირზე არსებულ კორპუსებში დააზიანა. სამივე ლოკაციაზე სახურავის დაზიანებული ნაწილი, "რუსთავსერვის ცენტრისა" და საგანგებო სიტუაციების მართვის სამსახურის მაშველებმა უკვე მოხსნეს. სახურავის დაზიანებული ნაწილის აღდგენას მუნიციპალიტეტი დაუყონებლივ დაიწყებს.
მათივე ინფორმაციით, ამჟამად სტიქიის შედეგების სალიკვიდაციო სამუშაოები მიმდინარეობს ბოსტანქალაქის ქუჩაზე და ქალაქის ცენტრალურ პარკში, სადაც ქარმა ხეები წააქცია. ძლიერმა ქარმა ხეები ბარათაშვილის, მშენებელთა და რუსთაველის ქუჩებზეც წააქცია, სადაც შესაბამისი სამუშაო, "რუსთავსერვის ცენტრმა" დღეს დილითვე დაასრულა.
სტიქიით მიყენებულ ზიანს ქალაქის მუნიციპალიტეტი საკუთარი ძალებით აღმოფხვრის.
